Illustrations :   L'expo Universelle - Divers

A la fin dis annado 1890, Denis-Valvérane isto en Argierio, ounte tèn un pichot emplé dins li camin de ferre; aquelo esperiènci coulounialo sara mai d'un cop evoucado dins soun obro. Pièi planta caviho à Paris e coumenço de se faire un noum. En 1900, es un dis ilustraire dóu Libre d'Or de l'Espousicioun Universalo. A coumta de l'annado venènto, espauso regulieramen dins mant' un saloun de pinturo. En 1910, davero uno mencioun "ounourablo" au Saloun dis Artisto Francés, qu'en èro devengu lou secretàri en 1904. Countuniè en mai d'aca sa carriero d'ilustraire, majamen dins de revisto pèr li jouine. M.M.