Illustrations :   Denis Valvérane et ses amis - Scènes de la vie de Bohème - Une vie agitée

Mounta à Paris emé sa famiho aperaqui à la fin de sis estùdi segoundàri, Louvis Denis-Valvérane s'encarte à la Soucieta di Felibre Parisen, d'aquéu tèms englouria pèr lis escrivan Anfos Daudet, Pau Arène, Jan Aicard, Emile Zola, lou filousoufo Pèire Laffite, l'escrincelaire Injalbert etc... Es aqui que, fin-finalo, rescountrè Mistral. Se ligo tambèn emé la jouino generacioun felibrenco, majamen lou pouèto e critico Carle Maurras, l'istourian Frédéri Amouretti e lou pintre Jousé Mange, qu'es soun coundisciple à l'ataié de Jan-Pau Laurens. Visqué em'éli uno eisistènçi pintouresco e mai qu'un pau desourdounado, uno bouèmi fin-de-siecle que soun obro n'en gardo la marco M.M.