Nascu en 1870 dins uno famiho de vièio souco manousquino, Denis-Valvérane se rafihè lèu-lèu à la reneissenço prouvençalo amoudado pèr Frédéri Mistral e lou Félibrige. Estùdio la pinturo à Paris e prend part au mouvemen federalisto prouvençau dis annado 1890, ounte coustejè majamen Carle Maurras. A coumta de 1901, espauso regulieramen dins li saloun de pinturo. S'afourtis tambèn coume dessinaire e escrincelaire. En 1925, davero la medaio d’argènt dóu Saloun dis Artisto Francès. Publico en 1936 un libre de remèmbre articula à l'entour de la persounalita de Mistral, Lou Maianen. Mort en 1943, resto l'un di pintre prouvençau li mai atraiènt de soun tèms e un temouin privilegia de l’aventuro felibrenco. M.M.